आज नेपाल प्रिमियर लिगमा पोखरा र जनकपुर, काठमाडौं र सुदूरपश्चिम भिड्दै

सिद्धार्थ बैंक नेपाल प्रिमियर लिगमा बिहीबार कीर्तिपुरस्थित त्रिवि मैदानमा दुई खेल हुनेछ। पहिलो खेल बिहान ९:१५ बजे पोखरा एभेन्जर्स र जनकपुर बोल्ट्सबीच हुनेछ, भने दोस्रो खेल दिउँसो १:१५ बजे काठमाडौं गोर्खाज र सुदूरपश्चिम रोयल्सबीच हुनेछ।

जनकपुरको लागि यो तेस्रो खेल हो, जसमा उसले यसअघि विराटनगर किंग्स र कर्णाली याक्सलाई पराजित गरेको छ। पोखराको यो दोस्रो खेल हो, जसमा उसले पहिलो खेलमा चितवन राइनोजसँग हार ब्यहोरेको थियो। काठमाडौं गोर्खाजले पनि तेस्रो खेल खेल्दैछ।

पहिलो खेलमा चितवनसँग पराजित भए पनि दोस्रो खेलमा उसले कर्णालीलाई हराएको थियो। सुदूरपश्चिम रोयल्सको यो दोस्रो खेल हो, जसमा उसले पहिलो खेलमा विराटनगर किंग्सलाई पराजित गरेको थियो। खेलाडीहरूमध्ये काठमाडौंका करण केसी, सुदूरपश्चिमका दिपेन्द्रसिंह ऐरी, पोखराका कुशल भूर्तेल र चितवनका कुशल मल्ल मार्की खेलाडी हुन्।