एनपीएलको प्लेअफ इलिमिनेटरमा चितवन र कर्णालीको भिडन्त, फाइनलमा कुन टिम पुग्ला ?

आज नेपाल प्रिमियर लिग (एनपीएल)को प्लेअफ इलिमिनेटरमा चितवन राइनोज र कर्णाली याक्सबीच प्रतिस्पर्धा हुँदैछ। लिग चरणमा चितवनले तेस्रो र कर्णालीले चौथो स्थान हासिल गर्दै प्लेअफमा प्रवेश गरेका हुन्। यी दुई टिमबीच लिग चरणमा भएको खेलमा कर्णालीले ६ विकेटको जित निकालेको थियो। आजको खेलमा जित निकाल्ने टिमले फाइनल प्रवेशका लागि दोस्रो क्वालिफायर खेल्ने मौका पाउनेछ, जबकि पराजित टिम प्रतियोगिताबाट बाहिरिनेछ।

कीर्तिपुरस्थित त्रिवि क्रिकेट मैदानमा बिहान ९ बजे सुरू हुने यस खेलमा चितवन र कर्णाली दुवैले लिग चरणमा मिश्रित प्रदर्शन गरेका थिए। चितवनले पहिलो दुई खेलमा काठमाडौं गुर्खाज र पोखरा एभेन्जर्सलाई जितेको थियो, तर त्यसपछि कर्णाली याक्ससँग हार व्यहोरेको थियो। चितवनले सुदूरपश्चिम रोयल्स र जनकपुर बोल्ट्सविरुद्ध पनि जित निकालेर प्लेअफमा स्थान बनायो।

कर्णालीले पहिलो दुई खेलमा जनकपुर बोल्ट्स र काठमाडौं गुर्खाजसँग पराजित भएपनि पछि लगातार तीन खेल जित्यो। चितवनसँगको खेलमा कर्णालीले ६ विकेटको जित निकाल्दा, अन्य खेलहरूमा पनि कर्णालीले प्रतिस्पर्धा प्रस्तुत गर्यो। आजको खेलमा, जित्ने टिम सुदूरपश्चिम रोयल्स र जनकपुर बोल्ट्सको पराजित टिमसँग दोस्रो क्वालिफायर खेल्नेछ।