एनपीएल: शनिबार सबै टिमको नाम र लोगो सार्वजनिक हुँदै

क्यानले हिजो, असोज ५ गते खेलाडी दर्ता प्रक्रिया खुला गरेको छ। क्यानले जारी गरेको सूचनाका अनुसार खेलाडीहरूले असोज १२ गतेसम्म आफ्नो नाम दर्ता गराउन सक्नेछन्। दर्ता भएका खेलाडीहरूलाई एनपीएलका आठ फ्रेन्चाइज टिमले अक्सन प्रक्रियामार्फत चयन गर्नेछन्। प्रत्येक टिमले यसअघि नै मार्की खेलाडी छनोट गरिसकेका छन्।

प्रत्येक टिममा १६ खेलाडी रहनेछन्, जसमा ४ जना विदेशी खेलाडी समावेश गर्न सकिनेछ। लिगको पहिलो संस्करण काठमाडौंमा नोभेम्बर ३० देखि डिसेम्बर २१ सम्म सञ्चालन हुने तय गरिएको छ। क्यानले दशैंअघि नै खेलाडी छनोटको अक्सन सम्पन्न गर्ने योजना बनाएको छ।