कर्णाली याक्सद्वारा प्रतिभाशाली खेलाडी छनोट गर्न ‘ट्यालेन्ट हन्ट’ कार्यक्रमको आयोजना

यो ट्यालेन्ट हन्ट विरेन्द्रनगरको कर्णाली रंगशालामा हुनेछ। कर्णाली याक्सको मार्की खेलाडीमा राष्ट्रिय टिमका तीव्र गतिका बलर सोमपाल कामी छन्। यस्तै, टोलीमा राष्ट्रिय टिमबाट खेलिरहेका गुल्शन झा, देव खनाल, र नन्दन यादव पनि सहभागी हुनेछन्।

यस टोलीले वेष्ट इन्डिजका चादविक एन्टोनिओ किर्कपाट्रिक वाल्टन, पाकिस्तानका अलराउन्डर मोहम्मद हुसैन तलात, र हङकङका बाबर हायतलाई अनुबन्ध गरिसकेको छ।

नेपाली खेलाडीहरूमा ‘बी’ श्रेणीमा अर्जुन घर्तीसहित रित गौतम, मौसम ढकाल, र भुवन कार्की छन्। ‘सी’ श्रेणीमा दीपेन्द्र रावत, युनिशविक्रम सिंह ठकुरी, र दीपक डुम्रे रहेका छन्। प्रतियोगिता मंसिर १५ देखि पुस ६ सम्म सञ्चालन हुनेछ।