रोहित पौडेल बने लुम्बिनीको मार्की खेलाडी

नेपाल प्रिमियर लिग (एनपीएल) का फ्रेन्चाइज टिमले मार्की खेलाडी लक्की ड्रमार्फत चयन गरेका छन् । नेपाल क्रिकेट संघ (क्यान) ले यसअघि नै राष्ट्रिय टिमका ८ जना खेलाडीलाई मार्की खेलाडी घोषित गरेको थियो । उनीहरूलाई शनिबार लक्की ड्रमार्फत आठवटा फ्रेन्चाइज टिमले आफ्नो टिममा अनुबन्धन गरेका हुन् ।

लुम्बिनी फर्चुन हेल्थ केयरको स्वामित्वमा रहेको लुम्बिनी टिमले नेपालको वर्तमान कप्तान रोहित पौडेललाई मार्की खेलाडीको रूपमा चुनेको छ। रोहितले नेपाली क्रिकेटमा निरन्तर योगदान दिँदै आएका छन् र उनको कप्तानीमा नेपालले महत्वपूर्ण उपलब्धिहरू हासिल गरेको छ। लुम्बिनी टिमले मार्की खेलाडीको रूपमा रोहितलाई पाउँदा निकै उत्साहित देखिएको छ। उनले टिमलाई नयाँ उचाइमा पुर्याउने अपेक्षा गरिएको छ।