कर्णालीले अनुभवी अलराउन्डर सोमपाल कामीलाई पायो

नेपाल प्रिमियर लिग (एनपीएल) का फ्रेन्चाइज टिमले मार्की खेलाडी लक्की ड्रमार्फत चयन गरेका छन् । नेपाल क्रिकेट संघ (क्यान) ले यसअघि नै राष्ट्रिय टिमका ८ जना खेलाडीलाई मार्की खेलाडी घोषित गरेको थियो । उनीहरूलाई शनिबार लक्की ड्रमार्फत आठवटा फ्रेन्चाइज टिमले आफ्नो टिममा अनुबन्धन गरेका हुन् ।

हिमालयन बिल्डर्सको स्वामित्वमा रहेको कर्णाली टिमले नेपालका अनुभवी अलराउन्डर सोमपाल कामीलाई मार्की खेलाडीका रूपमा छानेको छ। सोमपालले आफ्नो तीव्र बलिङ र उत्कृष्ट ब्याटिङ क्षमताका कारण कर्णालीको टिमलाई बलियो बनाउन सक्ने अनुमान गरिएको छ। उनले टिमलाई आगामी प्रतियोगितामा उत्कृष्ट प्रदर्शन गर्न सहयोग पुर्याउनेछन्।